من ديوان للشاعر {متعب التركي} قصائد نبطيه رائعه

من ديوان للشاعر {متعب التركي} قصائد نبطيه رائعه

القصيدة الاولى

{{توديع الأحباب}}

توديع الأحباب مثل الموت له سكره ××× ادمى جروحي وشق الصدر منيـّا

والقلب طير ضلوع الآدمي وكـره ××× لأشاقـه الطلـع لاسلـم ولاحيـّا

مصير الأحزان تنسانـي وتفتكـره ××× ماكل الأيام بيض وسمحـة محيـّا

قل غيرها ماأنت لامجبر ولامكـره ××× لاصار ماهي غلا ماأبي لك حميّا

لو في يدي شي ماقلت الوعد بكره ××× حزمت حدب الضلوع وقلت لك هـيّا

لو كل غالي يجي دايم على ذكـره ××× ماصرت اشوفك هناك وحبك هنيـّا


ياليتني لابغيت اكره قـدرت اكـره ××× ماكان قلبي ليا جيت اكرهـك عيـّا

مادامك معيف رح لكن على فكـره ××× ماقلت لي ليه دمعـك سـال منيـّا

القصيدة الثانية

{{حبيبي ومااازلت}}

البارحة مدري وش اللي خذانـــــــــــــــي *** يوم اجنبوا عني من الضيقة اشـمــــــــــلت

جيت أتكلم بس عيــــــا لســانـــــــــــــــي *** ماكـــني إلا مرتكب ذنب واخمـــــــــــــــــلت

الله يسامح من ذكرت ونســانـــــــــــــــيي *** وأنا أدري إني لاذكرته تجمــــــــــــــــــــلت

عانيت وأدري كل طيب يعــانــــــــــــــــي *** وعلى حساب طعوني الخضر جــــامــــــلت

ياماخذوا مني ولا احدأ عطانــــــــــــــــي *** من طيبتي في حق نفسي تساهــــــــــــــلت

عزاي لامنه تجهم زمـــــــــانــــــــــــــــي *** يممت وجهي للكريـــــــم وتوســـــــــــــــلت

واللي يبي قربي وبعدي لقــانــــــــــــــي *** أمشي على وضح النقاء ما تختــــــــــــــلت

( يامن سكنت اجمل زوايا كيــانـــــــــــي *** ياما على نفسي عشانك تحامـــــــــــــــــلت)

مرات احس انك معي شخص ثانـــــــــي *** ومرات احس انك حبيبي ومــــا زلـــــــــــت

لاتفرح انك دجت بين المحـــانـــــــــــــي *** لو ماتخون الذاكــــره ما تســــــــــــــــــللت

(( عشان ماضيك الجميل وعشانــــــــــــي *** حاول تشيل من الوفا ربع ماشــــــــــــــلت))

((( ماني على خبرك حبيبي ترانــــــــــي *** حتى عن اصغار الاماني تنـــــازلــــــــــــت)))






القصيدة العــــــــــــــــــــــــــــاشره

غموض وكأبه

ماهو خطاعشان ادور معـــــــــاذير ** ولاهوغلط عشـــان ادور صوابه

اليوم توه عود لوكره الطيـــــــــــــر ** واصبح يشوف العالم اكثر رحابه

مستغربين انه ملى قلبي الــــــــخير ** ليه الغرابة! وين وجه الغـرابة؟

تعبت ادور للخطاوي مشــــــــــاوير ** لين التعب زاد الليالي رتـــــــابـة

يبكي فرح من شاف بعض التبــاشير ** معذور لو دمعه يبلل ثيـــــــــــابة

من كنت بأول خامسة طفل صـــغير ** كنت امتلي حزن وغموض وكأبه

كنت أشعر اني غير والمدرسه غـير ** هيمان في جو النبي والصحـــــابة

كنت المح بوجه الليالي تعـــــابـــــير ** وأقراء همومي قبل أعرف الكتابة

والشعر غاااب وله محبة وتقديـــــــر ** اول غيابه شلت هم لـــــــــــغيابه

بالنفس كان لبعض هالأمر تـــــــأثير ** والليلة اهون من جناح الـــــذبابه









القصيدة الحادية عشــــر

ياحادي الركب

مفتوح باب الرجى لو هب مليون ريـــــــح ** والريح ماتاخذ الغرسه من عروقهــــــــــا

القوس مكسور والرامي يقوم ويطيـــــــــح ** والسهم منعاج والايام خازوقهـــــــــــــــــا

لو لبسو ساقط الهرجه ثياب المديـــــــــــح ** قلنا سحابة وبلة يابس حلوقهــــــــــــــــــا

ياحادي الركب لا توده عليه وتصيـــــــــح ** ماعاد هي سالفة ليلى ومعشوقهــــــــــــــا

مديت شوفي وشفت الكون رحب وفسيــح ** والارض حدر المواطي والسماء فوقهــــــا

مادام عين الرضا ماها هماج وشحيـــــــح ** ابتبع الغيمة اللي رفة بروقهــــــــــــــــــــا

مدري عن المقبلة لكن عسى الله يبيـــــح ** اللي تهز القلوب وهزني شوقهـــــــــــــــــا

غنيت للحب ولسان المحبة فصيــــــــــح ** والبدو سبة غناها ضيقة خلوقهــــــــــــــــــا

باكر يروح الشتاء والثلج قصره يسيــــح ** مايفضح الثلج غير الشمس وشروقهـــــــــا





القصيدة الثانية عشر
الموت هين

الموت هين البلا وش ورا المــــــــــــوت ** عند الحساب يهون سهم المـــنايا

باكر نموت وتصبح قبورنا بـــــــيــــــوت ** وعقب القصور بضيقات الـزوايا

في جوف الارض وكل من حولك سكوت ** وتعاقبن بالقبر عوج الحنـــــــــايا

يارب يامنجي نبيك من الـــــــــــــــموت ** سترك وعفوك يوم كشف الخــفايا

باكر اليا جينا على داعي الــــــــــصوت ** شيبان واطفال وشباب وصـــــبايا

ندعي وحنا بين باكي ومـــــــــــــــبهوت ** ورحنا لها ننقاد مثل السبـــــــــايا

يارب تهديني قبل لحظة الــــــــــــــفوت ** وتغفر ذنوبي ياكريم العطــــــــايا

اشكيك هم داخل الصدر مكبــــــــــــوت ** وأيامي الي بالخطايا مــــــــــلايا

أن لاذ بك من كان طايع ومبخـــــــــوت ** في من يلوذ المرتكب للخطـــــايا

يارب ياقادر على كل طاغــــــــــــــوت **لا ياقف اللي وحدوبك خــــــــــزايا

رحماك لامنا صحينا من المـــــــــــوت ** واليا وقفنا عند بابك عــــــــــرايا



يارب تهديني قبل لحظة الــــــــــــــفوت ** وتغفر ذنوبي ياكريم العطــــــــايا






نسيتني علمني شلون ابنساك ** في هالزمـن نسيـان الاحبـاب عـادي
وشلون لامرت على البال ذكراك ** وطيفك سرق منـي لذيـذ الرقـادي

وشلون لا قالوا لي الناس وش جاك ** من كنت في لـذة منامـك تنـادي

وشلون اعيش اللي بقالي بلياك ** لا مـن غدينـا كـل واحـد.. بـوادي

لو قلت اداوي جرحي اللي تباطاك ** ماكل جرح يفيد فيـه...الضمـادي

اعلنت حبك لين كل .. تمناك ** غلطه وغيـري مـن خطـاي استفـادي

لو لي..مثل قلبك تمنيت..فرقاك ** واكيد قبلـك بالجفـا.. صـرت بـادي

حلوه عذاريبك وحلوه..مزاياك ** حتـى بيـوم فراقنـا.. كنـت هـادي


كن الليالي ودها تكسب رضاك ** وآنا يطـول مـع الليالـي .. جهـادي

في ذمتي.. ماهي غريبة خطاياك ** مبطي وقلبك لـو تنبهـت.. غـادي

سهله على من كان مثلك..وشرواك ** مثل الثياب.. يغيرون .. المبـادي

علمني اكره..ذكرياتك..وطرياك ** وانسى من الليلة.. صـدوق الـودادي

ولاني بقايل عقبها ..وين ابـ القاك ** راضي لو ان جروح قلبي .. جدادي

ولا القصايد.. جعلها من فدايـاك ** لبستها..مبطـي ثيـاب ..الحـدادي

باكر على المخطى يدورن الافلاك ** ونشوف.. من يصعب عليه البعادي