صينية بطاطس بوريه

[ymamah]

صينية بطاطس بوريه

Cant See Images

المقادير ..
بطاطس .. انا عملت 4 بطاطسات كبيرة
كوب لبن أو أكتر شوية .. أنا استعملت لبن رايب .. أي لبن حليب
او واي لبن مركز مخفف بماء (كارنيشن - راينبو) أو حتى لبن
مجفف نيدو أو دانو أو كليم.. أي نوع يؤدي الغرض.
4 ملاعق بقسماط كبيرة مليانة كدة
كوب جبنة تشيدر مبشورة ( علبة كرافت صغيرة أو أي جبنة تشيدر )
3 ملعقة كبيرة جبنة بيضاء فيتا أو أي نوع
4قطع جبنة مطبوخة ( مثلثات )

أي كوكتيل جبنة عندك في البيت يؤدي الغرض

نصف فلفلة رومي خضراء مبشورة
بقدونس مفروم بس مش كتير.. ملعقة و نص كبار مثلا
فلفل أسود
ملح
بيضتين

خطوات العمل ..

نسلق البطاطس كويس جدا جدا و نقشرها و نقطعها
نهرس البطاطس كويس جدا بأي طريقة تعجبكم و نخلطها باللبن و البقسماط والفلفل الأسود و الملح بس مانحطش ملح كتير عشان الجبنة
حسب نوع الجبنة بنحط الملح يعني لو جبنة مالحة يبقى الملح قليل .. و لو جبنة مش مالحة اوي نزود بس برضه مش كتير .. لحد مايبقى في عندنا عجينة .. لو حسينا انها ناشفة بنزود اللبن .. لازم تكون مختلطة كويس جدا ببعضها .. بس ماتبقاش طرية اوي.
و بعدين ..
نيجي للجبنة .. ناخد انواع الجبنة دي كلها و نخلطها كويس جدا جدا مع بعض
و نحط معاهم الفلفل الأخضر و البقدونس ..
و نخلط كويس جدا .
نجيب صينية متوسطة .. مقاس 24 مثلاً و ندهنها زبدة أو سمن .. من الجوانب و من القاع .

نحط نص عجينة البطاطس في الصينية .. و بعدين نصب خليط الجبنة فوق البطاطس .. و نبعد شوية عن الجوانب عشان دي جبنة ممكن تتحرق لو جت على جوانب الصينية .
نجيب النص الباقي من عجينة البطاطس و نصبه فوق الجبنة .. و ندخلها الفرن 20 دقيقة و نسويها من تحت الأول .. و بعد العشرين دقيقة ..

نضرب البيضتين كويس جدا و نحطهم على وش الصينية و نحط على وشها فوق البيض شوية بقسماط عشان الوش يتحمر .. و نرجعها الفرن تاني نسويها من فوق .. هي مش هتاخد عشر دقايق ..
و لو حبينا ممكن نجيب شرايح جبنة شيدر و نحطها على الوش فوق البيض و البقسماط .

حشو الصينية ممكن يتغير .. يعني ممكن يبقى خضراوات مسلوقة و مخلوطة بالجبنة ..
ممكن يبقى لحم مفروم و مخلوط بالجبنة ..
ممكن يبقى سوسيس يتخلط بالخضار والجبنة ..
أي حاجة متواجدة في البيت ..

Cant See Images



صدور الدجاج بصوص الليمون


Cant See Images

المكونات
صدور دجاج مخليه
بطاطس+ ليمون+ لبن
زبدهالتوابل: ملح + فلفل ابيض + روز ماري مطحون + بهار دجاج
طريقه التحضير
ننظف الصدور من الدهون
نسلق البطاطس بطريقه البوريه ونتبلها مع قليل من اللبن
نرفع الطاسه علي النار مع الزبده وعصير الليمون ونسوي الصدور حتي اللون الزهبي وتستوي
طريقه التقديم
نغرف طبق التقديم بالصدور بعد ان نقطعها شرائح
ونضع بوله من البوريه بجانب الطبق
ونجمله بشرائح الليمون ويقدم ساخن

Cant See Images

التوقيع :

دعاء سيدنا آدم عليه السلام

( اللهم إنك تعلم سري وعلانيتي فاقبل معذرتي، وتعلم
حاجتي فاعطني سؤلي، وتعلم ما في نفسي فأغفر لي ذنوبي، اللهم
إني أسألك إيمانا يباشر قلبي، ويقينا صادقاً حتى أعلم أنه لايصيبني
إلا ماكتبته عليّ، والرضا بما قسمته لي يا ذا الجلال والإكرام)

آخر تعديل OM_SULTAN يوم 10-13-2009 في 08:18 AM.