يا روح روحي قصيدة : من التراث الاماراتي

يا روح روحي قصيدة : من التراث الاماراتي


يا رُوحْ روحي وِينْ بَا روحْ=ضَاقَتْ مِسالِجْ خَاطِري ضِيجْ

مِنْ ضِيقْ قَلْبٍ هُوبْ مَشْروحْ=دِبّ ادْهَرَهْ لِلنَّاسْ ما يفيجْ

أَبْكي عَلى لاماهْ وَ آنوحْ=كِثْرِ الوِزَا لي هَيَّجِ الوِيجْ

وِيجْ دَعَا لي سَبْعِةِ ايْروحْ=هِنّ عَوّقِنْ جَاشي تَعْويجْ

آزَمْتْ مِثْلِ الشِّلْع مَطْروحْ= كَنِّي صِويبْ بِالمزاريجْ

لا حُول مِنْ هَيْرِكْ يا مَمْدوحْ=حِمَلْت مَا لارُومْ وَآطيجْ

رَاجِبْ إِلاهٍ خَالِجِ اللُّوحْ=فِيِّهْ اوِ سَايرني ابْتَرْفِيجْ


لَتْشِطْ بي رُفْ بي عَنِ الشُّوحْ=يا سَيِّدِ البِيْضِ الغَرانيجْ

دعْ لي طِريجِ الوَصْل مَفْتوحْ=لا تِغْلِجِ ادْروبَهْ تَغْليجْ

و اجْعَلْ خِطايه مِنْك مَسْموحْ=فِيِّهْ يا كَعْبَةْ كِلّ عَشّيجْ


في سَفْك دَمّي صِرْت مَبْيوحْ=عَمٍّ اوِ حِكْمِكْ لي ابْتَحْجيجْ

روحي أَوْ رُوحِكْ كِلْهِنْ رُوحْ=ما بِينِهِنّ فَكٍّ اوْ تَغْليجْ

روحي وروحك روحين في روح=ما بينهن فج او تغليج

روحي وروحك روح في روح=ما بينهن فج او تغليج


ردد البيت الاخير على ثلاث اوجه كما ردده الشواب لول:

خلفان بن يدعوه

جميع قصائد المرحوم خلفان بن يدعوه من منتدى البراجيل الديوان

منقول من موقع بارجيل

الصور المرفقة

 

آخر تعديل abo _mohammed يوم 10-02-2006 في 01:06 PM.

[مـلـيـون]

الله هاذي القصيده أعشقها


شكرا

[abo _mohammed]

يامرحبا اخويه مليون هلا فيك ومبروك عليك الشهر



abo _mohammed

التوقيع :

قال تعالى :
{وَمَنْ أَحْسَنُ قَوْلاً مِّمَّن دَعَا إِلَى اللَّهِ وَعَمِلَ صَالِحاً وَقَالَ إِنَّنِي مِنَ الْمُسْلِمِينَ}
[فصلت:33]

[OM_SULTAN]

يا روح روحي قصيدة : من التراث الاماراتي