آخر 10 مشاركات
الخبيصه الاماراتيه (الكاتـب : OM_SULTAN - مشاركات : 1 - المشاهدات : 12639 - الوقت: 09:09 PM - التاريخ: 01-13-2024)           »          حلوى المغلي بدقيق الرز (الكاتـب : OM_SULTAN - مشاركات : 0 - المشاهدات : 7396 - الوقت: 03:16 PM - التاريخ: 12-11-2023)           »          دروس اللغة التركية (الكاتـب : عمر نجاتي - مشاركات : 0 - المشاهدات : 13284 - الوقت: 11:25 AM - التاريخ: 08-21-2023)           »          فيتامين يساعد على التئام الجروح وطرق أخرى (الكاتـب : OM_SULTAN - مشاركات : 0 - المشاهدات : 14659 - الوقت: 08:31 PM - التاريخ: 07-15-2023)           »          صناعة العود المعطر في المنزل (الكاتـب : أفاق الفكر - آخر مشاركة : OM_SULTAN - مشاركات : 4 - المشاهدات : 48789 - الوقت: 10:57 PM - التاريخ: 11-06-2022)           »          كحل الصراي وكحل الاثمد وزينت المرأة قديما من التراث (الكاتـب : Omna_Hawaa - آخر مشاركة : OM_SULTAN - مشاركات : 2 - المشاهدات : 43852 - الوقت: 10:46 PM - التاريخ: 11-06-2022)           »          كيفية استخدام البخور السائل(وطريقة البخور السائل) (الكاتـب : OM_SULTAN - مشاركات : 2 - المشاهدات : 36054 - الوقت: 10:36 PM - التاريخ: 11-06-2022)           »          جددي بخورك (الكاتـب : OM_SULTAN - مشاركات : 0 - المشاهدات : 20863 - الوقت: 10:25 PM - التاريخ: 11-06-2022)           »          عطور الإمارات صناعة تراثية (الكاتـب : OM_SULTAN - مشاركات : 0 - المشاهدات : 21130 - الوقت: 10:21 PM - التاريخ: 11-06-2022)           »          خلطات للعطور خاصة (الكاتـب : أفاق : الاداره - آخر مشاركة : OM_SULTAN - مشاركات : 1 - المشاهدات : 27069 - الوقت: 10:12 PM - التاريخ: 11-06-2022)

إضافة رد
 
أدوات الموضوع تقييم الموضوع انواع عرض الموضوع
قديم 10-28-2006, 08:17 AM   رقم المشاركة : 1
الكاتب

ريـــمــــــه

الاعضاء

ريـــمــــــه غير متواجد حالياً


الملف الشخصي









ريـــمــــــه غير متواجد حالياً


صممي غرفة تراثية بيدك خطوة بخطوة بالصور

صممي غرفة تراثية بيدك خطوة بخطوة بالصور
مرحبا بنات

عيدكم مبارك واتكونون من العايدين والفايزين يااااااااااااااااااااااااااااا رب

عندي لكم فكرة حلوه انا صممتها ونفذتها مستعينه بصور بيوت قديمة من التراث الكويتي

عندنا بالبيت صالة صغيرة اللي تجي تحت الدرج .. امي تحب سوالف القديمة وبما اني مدرسة رسم وتخصصي المساند ديكور قلت ليش يا بنيه ما تسوين تصميم بيت كويتي قديم حق امي

رحت شريت صبغ من GTC النوع أكرلك ربع لمعة اللي ينشف بسرعة ومن دون ريحة ....شريت درجتين بني وبيج وشريت سطلين كبار من المعجون الأبيض وشريت الحديدة اللي يوزعون فيها المعجون على الطوفة ( طوفه = جدار = حيطة )
اول شي اغرف بالحديدة المعجون وامسحه على الطوفه بشكل غير متساوي يعني كأنج قعد تحطين كريمة على وجه الكيكة . بعدها اخليها تنشف الطوفة

وبعدها بالفرشا الكبيرة اصبغ الطوفة بصبغ البيج المخفف بالماي ...وبعد ما ينشف الصبغ , اخذ إسفنجة واحطها باللون البني المخفف بالماي وامسح على الطوفة وياريت تسوون مثل اللطخات علشان يعطي التأثير القديم


Cant See Images


Cant See Images

ابي اوريكم الصوره الشاملة وحبه حبه اقولكم انا شسويت

Cant See Images

هذه الصالة اللي تحت الدرج والباب اللي تحت اللوحة باب المطبخ والباب اللي على الجنب باب المخزن

رحت للنجار وقلتله يقصلي لوح خشب وإطار على هيئة شباك مثل ما انتوا شايفيين بعدها رحت البيت ولونتها بأكثر من درجة للبني ....

بعدها رحت لمحل أبو مية فلس وشريت خيزرانات كثيرة ورشيتهم بلون اسود وقصقصتهم ولزقتهم بنص الدريشة علشان يعطي شكل الحدايد .

وأمي الله يخليها لي معلقة سراج أزرق بالسقف..

الصورة الثانيه

Cant See Images


هذه اللي تحت الدرج .. جبت مثل السدو وطقطقتها بمسامير بسقف الدرج من تحت بس ما شديت السدو لا رخيتها شوي علشان يعطي تأثير الخيمة .
وهذه صورة من تحت

Cant See Images

الباب القديم

Cant See Images

من أول بابنه خشبي ... رحت للنجار وخذيت عرض الباب وقلتله يسويلي نص دائرة مع إطار.. لونته نفس تلوين الشباك ) , وسويت نفس حركة الدريشة بخصوص الخيزران .
وفصلت بعد عند النجار شرايح خشب خفيف بعرض 18 سم عدد 5 حبات رحت ومسمرتهم على الباب وتركت مسافة بين حبة وحبة حوالي 3 سم .. صبغت الباب بلون بني مع لطخات بني محروق مثل الصورة ...
رحت لمحل أبو 100 فلس وشريت حبات قزاز اللي على شكل نص دائرة وبخيتهم بخاخ ذهبي ولزقتهم على بالباب بالصمغ الحراري مثل ما تشوفون بالصورة.
الباب بس ناقصه يدة باب قديمة اللي تجي على شكل دائرة , لفيت السوق ومالقيتها. ياريت ادلوني وين احصلها

وهذه صورة من ناحية ثانيه

Cant See Images


طاولة التراث

Cant See Images

فصلت طاولة خشب وصبغتها وشريت بساط نفس البساط اللي انا راسمته باللوحة الزيتية اللي فوق باب المطبخ ... وحطيت الاغراض التراثية عليها .

Cant See Images


عندنا بالبيوت القديمة كانوا يسندون السقف بقطع خشب وكانت القطع تطلع من الطوفة من برة ... وانا سويت هذه الحركة شوفوا فوق بالطوفة


Cant See Images

هذه الله يسلمكم رحت للأدوات الصحية وشريت ماسورة ( بايب ) بلاستك وقصصتة بالمنشار بطول 20 سم تقريبا ... رحت وشريت من النجار الحدايد اللي على شكل حرف الدال اللي يحطونها تحت الرف ..

هذه الحديدة انا لزقتها بلزاق على الماسورة المقصوصة من الطرف وغلفتها بمعجون وبعد ما نشفت
لونتها بلون بني محروق ... ولاتنسون تقصون كرتونه على شكل دائرة وتلصقونها على الطرف الخارجي علشان يبين انها شجرة مو تتركونها فاضيه اللي يشوفها من قدام يشوف انها ماسورة ( فهمتوا ؟؟)

وبعدين دقوها على الطوفها بالمسامير والطرف الحديد اللي على الطوفه حطو عليه معجون واصبغوه مثل الصورة

Cant See Images

الأسهم الحمرا تأشر على أطراف الحديدة اللي على شكل حرف الدال

Cant See Images

منقول من عالم حواء


التوقيع :




لا حول ولا قوة إلا بالله العلي العظيم


رد مع اقتباس
قديم 02-25-2009, 09:14 PM   رقم المشاركة : 2
الكاتب

الدماعين

الاعضاء

الدماعين غير متواجد حالياً


الملف الشخصي








الدماعين غير متواجد حالياً


رد: صممي غرفة تراثية بيدك خطوة بخطوة بالصور

يسلموا على اختياركم لهذا الموضوع لأني من زمان ونا ادور على هذه المواضيع وتعبت بجد في هذه المنتديات لكن بعد ما سجلت في منتداكم حصلت الي ادور عليه اشكركم كل الشكر مع تحياتي ولكم كل التوفيق


رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع تقييم هذا الموضوع
تقييم هذا الموضوع:

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع


الساعة الآن 03:19 AM.


Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By Almuhajir