الزوار
قصيدة سقى الله روضة التنهات مجاراة لقصيدة السامر المشهورة .. ضمن المسابقة التي طرحتها جريدة الجزيرة .. عسى أن تنال استحسانكم .. ( سـقى الله روضة التنهات روضة كاسب الطولات =بسـيلٍ في عروض العرق الأعلى بانت حـدوده ) عـساهـا مـزنةٍ سـحٍ دفـوقٍ رشّـهـا زخّـات = تـتـابع نـوّهـا في كـل دوٍّ تـسـمع رعـوده سحـايبها تسـوق الخـير من جـدة إلى سـيهات = ومن تـيـما إلى الزلفي إلى جـيزان وسـدوده وإلى مـرت على التنهات تاقـف فـوقها ساعـات = تروّي بالحيـا وسـط الفـياض وباقي نـجـوده تـشـوف الدار بخضاب البهـا روضاتَهَا جـنّات = مثل ذيك الهـنـوف اللي يشعّ الحسـن بخـدوده مناظـر تبهج الناظـر وراعي الكيف لـه سـجّـات = ليـا عَـنّ القـَنَص والخيل وزان الليل بوروده بيوت الشِّعْـر وبيت الشَّعْـر وضـوٍ حولها سادات = وريـح الشـيح والقيـصوم فاح وذعذعـت نوده ديـارٍ سـارعت للمجـد .. للـعَـليا لها وثْـبات = تسـامَى عـزّهـا .. والعز شـرع الله وبـنـوده بلادي مشيهـا قـدام وحـاضرها على مافـات = تبـاهَى في ولـدها والفَـخَـر بالفَهْـد وفهـوده فهـود آلَ السعود فهـود .. والتـاريخ فيه اثبـات = إخـوان الصدق وأهل الحق .. حزب الله وجـنوده دعـاةٍ للسلام ونصرة المظـلـوم والـفـزعـات = سـلام اسـلام .. ويل اللي غـدر لو ثار باروده زعيم الحكم والحكمة ( أبو فيصل ) عَـلا الهامات = بوسـط أمواجها قاد السفـينة .. وأدرك جهـوده نوى ينهب شواطيهـا وراس المجد لـه مرسـات = عـسى راس البلـد يلقى السَعَـد والمقبل سعـوده بحق اللي خلق هالكـون وطِيب الـقـلب والنيـات = نشـوف أحلامنا واقع .. بشكر العـبد وسجـوده ويبـقى الحـق ( للسّامر ) ومثله يكسب الجـولات = على صفـحة ( مـدارات الجزيرة ) طاب عنقوده . المصدر Cant See Links
.
العرض العادي
