abo _mohammed
المشــرف العــــام
قصيدة في الربيع والطبيعة الخضراء يا ذا الربيع اللي ضحك طلعت الشمس** تومي لك اطراف الأغصان الرطيبة سحابة روّت ضواميك عصر أمـــــس** واليوم شيحك عطر الجو طيبه ريحة خزامك نبهت شايق النفس ** ردت علي انفاس هاك الحبيبة ليته معي ينظرك بعيونه الخرس ** وليت الزمان اللي غدا به يجيبه ياروض لو تمشي بك اقدامه الملس ** تمسي مواطيها على ارضك عشيبه والطير كنه من هنا الروح في عرس** والسيل تشرق به فضاك الرحيبه لولاي اعزي خاطري واردع النفس ** واخفي مراير شوق روحٍ غريبه كان انهمر دمعٍ على الخد له جرس ** بوح الضمير اطنابته مع صبيبه قل للمها اللي صاب قلبي ولا حس ** يردي قلب العنا وش يبي بــه؟ وش فايدة حبه مع الخوف والدس ** حبٍ تحت شوف الرقابه مصيبه للشاعر\ عبد العزيز الحسن منقول