سهيل اليماني
لاتجاهل صاحبـك بالكـون ,, ياسهيـل اليمانـي
صاحبك ,, مايحسب حساب القلـوب السرمديّـه
صاحبك يرقب هلال العيد فـي شهـر رمضانـي
لين مايصبـح عليـه العيـد ,, ويعايـد خويّـه
نحن الأنس الضعيف ,, وكم سنه والعمـر فانـي
وأنت عمـرك يآصـل المليـون والدنيـا مديّـه
ياهنيّـك ,, ماتعـرف الحـب يالنجـم البيـانـي
ماتعرف الاّ ظروف الغسـق مـن بعـد العشيّـه
ولاّ أنـا ,, قلبـي تولانـي بحـب الأسمرانـي
( يوم شفت عيونه الثنتين ضاق الكـون فيّـه )
ضاق صدري ,, والمحاني ,, عقبها ضاق المكاني
مـن حـدود الجاذبيـه ,, ليـن حـد الجاذبيّـه
كيـف قلـب الأدميّـه ,, والخفـوق المرحبانـي
عقب قولـة مرحبـا ,, ماعـاد فيهـا مرحميّـه
من قبل تسهر طوال الليل ,, وتواصـل عشانـي
وكـل ماقـال الحذيّـه ,, قلـت أبشـر بالعطيّـه
جيت له والله بلانـي فيـه ,, يـوم الله بلانـي
حسبـي الله بالظـروف / التالـيـه والأولـيّـه
أرتوي من شعر عنتـر ,, وأقتنـع بالأصفهانـي
وأبتسم من شعر أبو الطيّب وأصفـق فـي يديّـه
أي ياقيس الملـوّح ,, ماعلـى الغالـي ضمانـي
( شفت ياقيس الملوّح ويـن ليلـى العامريّـه )
جعلك الجنـه ,, وأنـا بالحـب جانـي ماكفانـي
مابقى لي غيـر قافـي كـان باقـي لـي بقيّـه
آآآه ياصبـرٍ صبرتـه ,, وآآه ياحـظٍ عصانـي
وآآآآه يابخـت القلـوب الغافـلات الموسمـيّـه
وآآه ياجـرح الفـراق اللـي يعـل المودمانـي
( وآآآآآآه يا آآآآهٍ لها عامين في صدري هنيّـه )
زولها لامن مشـت مـن بيـن مليونيـن بانـي
( مثل رقم 2 مـن بيـن الحـروف الأبجديّـه )
لامشت بين الورود ,, يفوح ريـح الزعفرانـي
ولا أستمالت ,, يستبيح الورد ركـن المزهريّـه
وأن سهت بالعين ,, قلت الله على حبك حدانـي
ولا ضحكت ,, طابت نوايا القلب والنيّـه خفيّـه
أنت ياللي لك ثـلاث سنيـن حبـك فـي كيانـي
الجروح اللي مـن أسبابـك ,, تعـل المعنويّـه
ياحبيبـي لاتجافينـي ,, وحـظـي ماعطـانـي
عزتي ماهيـب تسمـح لـي ,, أدن الهاشميّـه
الدمـوع تسيـل ,, لاماتـو عريبيـن المجانـي
الرجال اللي على ,, سمن ,, وسمين ,, وشاذليّه
الدموع أقوى مـن لسانـي ,, وماقالـه لسانـي
( والله أنه مايسيل الدمـع مـن فرقـى بنيّـه )
جيت لـك والله بلانـي فيـك يـوم الله بلانـي
خافي الله وحسبي ,, شـوق القلـوب العاطفيّـه
Cant See Links