أفاق : الاداره
مراقب
خلف بن هذال وجنادرية 1424هـ ومن غير خلف بن هذال لمثل هذا القصيد جنادريه 1424هـ هي المكان والوطن وهمومه هي العنوان على هذا المكان ومن رعـــاه ومن تربع فيـه سلام وراية الاســـــــلام فوق الراس مرفـوعه ترف بكل عــــــز وكل مجد وضــــــمها بيديه امام المسلمين وكلمته بالكــون مســــــموعه أخص القايد الاعلى فهد درع الوطــــن حاميه من العدوان ما عاثت فلول الشــــــرك بربوعه ملكنا اللي نحبه ثم نحبه والغــــــــــلا نغليـه على دربه نسير ونستنير الدرب بســـــــموعه ملكنا اللي يشرف حاضـــره ومشـرفٍ ماضيه يسجل له مدى التاريخ للتاريخ موســـــــوعه ملكنا اللي فتـــــــح قلبه لنا يالله لنا تحييه فريدات الخصايل في مقر العــز مجمـــــوعه يصون مقدســـــــات وبالثبات مخططه ماشيه عسى أوطانه لبراق الحيـــا بالرجع مرجوعه تمتعنا بعهده بالرخــــــــاء والخير والترفيه شـــــــــربنا الماء قراح ومدنا وامتد ينبوعه ليا صّدر قرار يتم وبريشـــــــــــة قلم يمضيه يورّد جاري التنفيذ والاوراق مدفوعـــــــــــه يوجه ما يوجَّه منفرد بالراي والتوجيـــــــــه يحلّ اوضاع غيره ما ابتحل في حل موضوعه ليا منّه تنهّض زلزل الغبرا تحت رجـــــــــليه يامكبر هيبته والارض تستكلم تحت طوعــــه سعوديٍ ملا الكرسي صحيح ومنصبه ماليـــه ليا زمجر وطالع بالسباع تخر مفجوعـــــــه تليق به القياده والسياده والامن مضفيـــــــه على شبه الجزيرة ســــاد تشريعه ومشروعه بلاده ما يقارب ربع قرن بســـــــاعده يبنيه ولايَتبع فهد يُتبــــــــــع فهد وخطاه متبوعه يعود الراي لاهل الراي واخذ الراي من راعيه يعد ارياه مفتوله ومثنيه ومربوعـــــــــــــــه بتوع ليا مضى يمضي بســيف العدل ما يثنيه ليا عدوا قواطيع الســـــــيوف ابتر وقاطوعه ليا اشتد الخصيم بخصمته من حـــكمته ينهيه ينوخ للحقوق وتصبح الحقاد مرجــــــــــوعه جبل راسـي ومن طبع الجبل ما يحترك راسيه ذرى المفزوع واللي طار عنهاالستر مفجوعه جنودك يافهد شعبك لياطق الحدى حــــــاديه فداك الامن يفداك الحرس والجيش وفروعـــه عليك براس الافعى ما دفق سـمه وكيف وليه يروّجها الغبي واللي ثقتنا منه منزوعــــــــه من الضربه يطيح من اوله والحـــق على تاليه قبل فتك الافاعي خلها في البيض مخلوعـــه عصابه يا بوفيـــصل بثت التشويش والتشويه على ارضك ما لها بيعه ومن بيعتك مخـــلوعه على يمناك اخوك اللي مناظيم الســـرب تتليه على اكتافه كبـــار الواجبات اليوم موضوعه تصدى من تعدى ويتحدى والوطــــــــن يعنيه تعبّر كلمةٍ في نشرة الاخبـــــــــــار مذيوعه صدق راعي المثل لاركبت حر ارقد ولا توصيه ولو حددت له رحلة شهر ياتيك باســـــــبوعه نرحب في ولي العـــــــــــهد ونحييه وتحييه جماهير تردد له بيوت الشـــــــــــعر مبدوعه هلا يامرحبا واهلين يارجـل الوطـــــن ذاويه بعد هذا الزعيم انت الوطن وحــــماه ودروعه علينا عهد لك ياســــــيدي والعهد ما نصخيه عواتقنا قلايدها العــــــــهد بايمان مقطوعه معك سـلطان حماي الحدود ليا احتمى صاليه يجيب لك القلايع من يدين القــــــــوم مقلوعه يســـــــــــــــلم ثالث الاثنين ويعافيه ويدوّيه ابوخالد له الهامات بالتقدير مخضــــــــــوعه على الارهاب شنواحرب شعوا واقطعوا طاريه تموت الشـجرة اللي من عروق الجذع مقطوعه على من روّع الصيــــــــام خزي ولعنة تخزيه عسى من راعهم رب الفلق يبلاه ويروعــــــــه تموت اطفال وتموت النســا فعل طغى طاغيه بكل الوصـــــف وحش مفترس ويغير بفزوعه جريمة ما تشبه بالجرايم يصـــــــعب التشبيه عقول للحدث ما استوعبت خرقا ومصـــدوعه كلام للبــــــــــــــعيد وللقريب يسمعه باذنيه لعله يستفيد ويستقر العلم باســـــــــــــموعه نجابه طغــــــــــمة بان الردى منها ولاتخفيه هذا والله هو الارهــــــاب مهما يختلف نوعه خذت عدوى وجتنا بالوبا من تلمســــه تعديه كفى الله شـــــــرها وبقدرة الرحمن مقلوعه ملغمة المصاحف ما لها بين الرجـــــال وجيه هبت والله وجيه للهوى وابليس مركــــــوعه
العرض العادي
