الزوار
يامنور الدار : من الشعر الشعبي مهداة إلى سمو الشيخ محمد بن راشد آل مكتوم حفظه الله تعالى ورعاه بمناسبة زيارته لدولة الكويت الشقيقة وفوزه ببطولة القدرة والتحمل الدولية يامنور الدار ـ شعر: حمد السعيد دولة الكويت مرحباً يا مْشَرِّفْ الدار بِقْدومك جَيّتك مثل المطر مرحبا فيها قبل تاصِلْ للبَلَدْ وِصْلَتْ عْلومك مهنة الاجداد مثلك ينمّيها جيت تحيي طاري الخيل ما الومك ورث أبوك وجدّك وجيت مِغْليها فارسٍ يا كثر ما اغتاظوا خْصومك منْك ياللي سابق الخيل تجنيها راعي الطولات تشهَدْ لك عْزومك والفراسه مهنتك وانت راعيها طيّبٍ والطيب ينثَرْ من كْمومك والحرار النادره من مجانيها خادمٍ للطيْب والطيب مَخْدومك المراجل ما زَهَتْك انت زاهيها نِعْم فيك وْنِعْم يا شيخ في قومك يا سلايل لابةٍ خاب باغيها مرحباً يا مْنَوّرْ الدار بِقْدومك جَيّتك مثل المطر مرحبا فيها المطر يحيي الثرى وانت بِغْيومك القلوب الممحله جيت تحييها المصدر البيان
العرض العادي
