3قصايد لشاعر شباب قبيلة سبيع= ناصر الفراعنه

3قصايد لشاعر شباب قبيلة سبيع= ناصر الفراعنه

السلام عليكم ورحمة الله وبركاته

المصدر
Cant See Links

قصيدة الجمس130بيت:


حييّت يا جمسٍ جدادٍ مشاريه=عبّارتينٍ بميـة ألـفٍ شرينـاه
أربع ميا وخمسين من عند أهاليـه=آخـر موديـل بعالـم الشـرق عـزّاه
حالف حرام إني لاسوقه واعدّيه= يـوم إن ولْـد أمـّه قصـر مـا تهقـواه
جمسٍ ليا شفته عزالك تقهويه= يا ِطيْب طِيْب القهوجـي كـان قهـواه
تقول معـزومٍ لحفلـة (سواريـه)=جـاك امتشيّـك وامتعطّـر وما احـلاه
سوّاه لطـوال الشـوارب مسوّيـه= مـا يركبـه يـا كـود حامـي حمايـاه
حرٍّ كفخ من روس عالي مباديه= قـرمٍ تلطّّـم وأشقـر الكنـت طفّـاه
يا ليت راعي الجمس يومه يسمّيه =على اسـم عنتـر والا بـو زيـد سمّـاه
حيثه شنب يستاهل المدح زاهيه=ملعـون أبـو مـن لا قمـز لـه وحيّـاه
من عزتـه مـا ركبـو أهـل الدلـع فيـه= ولا سوّقـوه أولاد بابا وماماه
ولا ساقه الخكري ولا احمر عتاريه= وبنات المدينة ما تعلّن زواياه
الجمس أحبّه حبّ غالٍ لغاليه= حبٍّ عظيمٍ حبّ نمرٍ لوضحـاه
ومن حشمته لا جيت اسافر اماليه=ولا خلّـص المشـوار جيـت آترضّـاه
يا شيب عيني يوم آجي له والاقيه =مثل الذي وسط الخـلا شـاف لامـاه
خطرٍ ليا ناديته يقـول: لبّيـه= ومـن دون سايـق يشتغـل مـن ورا ذاه
هو ميّتٍ فيّه وانا ميّتٍ فيه=ولو هو حديـد أحـب شوفـه وطريـاه
لا قمت المّس فوق بديه واداريه=بلا شعورٍ قمت ادوّر شفاياه
ليته هنوف لأجل اضمّه واحضويه=غروٍ تضوع المسك صافي ثناياه
حالف يمين انـي لاابيعـه ولا أهْفيـه= لوربّحونـي بألـف ألفٍ مـدلاّه
يوم الجبان يبيع صاحبْـه بجْنيـه =والله مـا ابيعـه دامهـا أمّ الطلـي شـاه
حتى وأنا في المسجد الفرض اصلّيْه= أدعي لجمسي يا عسى الخلـد مثـواه
وان كان عنّي راح مانـي بناسيـه= كـود البـدو حـب المقاطيـن تنسـاه
وتحرم علي نوره حرامٍ مقفّيه= وتحرم علي البيـض مـن كـل منحـاه
يا وين أبلقى لي حريص ٍ أوصّيه= لا غبت عن جمسي يزوره ويرعـاه
في ذمّتـي بغالـي الـروح لاافديـه = ولأملّكه عمـر المعنّـى ومخبـاه
ومن جلدي البالي لاوقّي سماريه=ومن هو سعى للجمس ما خـاب مسعـاه
يا لايمي في الجمس غادي وسفّيـه= بـلاك مـا شفتـه ولا شفـت حليـاه
لي جمس مابه جمس مثله يباهيه= ولا في جمـوس الشـرق تلقـى سجايـاه
من شاف فوقيّـه وطالـع بحدريـه =والله ان يمـوت بساعتـه داه بـرداه
رمز الفخامه والاناقـه مـع التيـه=الحسـن والابـداع والعقـل والجـاه
ذي اس از انترناشيونال عنـد قانيـه= مـا يكسـح اللـي للمهمـات يقنـاه
مخروط والمخروط صعبٍ تحدّيه = ويصعب على متن البسيطـه مجـاراه
ومكينته على أربعين وحواليـه= وعمـوده علـى العشريـن حنـا خرطنـاه
لاقـام بنزينـه تشـختـر سِواقـيـه=الكلبليـتـر أزمع أمــره وودّاه
وعلـى المكينـه والبساتـم يودّيـه = وحمـر التوانـك جمّهـا ما ذخـرنـاه
يا دوب تحتـرّ البساتـم وتوذيـه = طـشّ الرديتـر غترتـه وألحقـه مـاه
كن لون بنزينه بصفّايـةٍ فيـه=أحمـر شفايـف عضّه الزيـن بشْفـاه
وكن لون زيته يوم تكشف معاريه=ذهب جواهرجـي علـى الكـف راعـاه
وقزوز بالشكمـان رجليـه وايديـه= بمكينـة(ٍ بالخـام الاسـود) مغطّـاه
ونـوع الكرونـه رقـم 7 بطاريْـه= ورقــم 3 احتـيـاطي حفظـنـاه
وتروسهـا حجـم 4 يـا مقدّيْـه= مثـل القـلاده فـوق صـدر الخونـداه
مثل المسدّس يبرمـه مـن يعبّيـه= أبـو محالـه لا وطـا التـرس ماطـاه
يفترّ سير المروحه من تواليـه= وسيـرٍ بـراس الدينمـو قـام يشعـاه
المروحه هفّـت وضفّـت سوافيـه= ذعـذاع غربـيٍّ تقافـت عشأيـاه
وسرندلٍ حمر البساتم تلاليـه= وعمـود تيمـن غرهـدن فـي حجأيـاه
صمّـام بوجيّـه بنـارٍ يغذّيـه= وتولّـدت شرارتـه وأكـمـل اغــذاه
واليا لذع فيه البليتين ناريه= كنّه شرَر لحّام في بابٍ اوزاه
ومفتول دفرنسه عـن القـاع حاميـه= عـن صكّـة القيعـان يدفـع منايـاه
الجمس كنّه متّهم جاء محاميـه= دفرنـس والقاضـي غـرازٍ بصحـراه
وكبـر المطبّـه مـا يغيّـر هقاويـه= ومساعداتـه عـن يمينـه ويـسـراه
والاذرعه عن ميلةٍ به تواسيه= كنْها عضود مْلاكـمٍ شـرب غرشـاه
وان شال حملٍ ما يكثّر شكاويه= يا وش يهمّـه والسسـت كلهـا افـداه
كـن رفرفيـن حـول حوضـه مداويـه= شيهانتينٍ دوّمنْ بالخضيـراه
وكن لون كبّوته ولمعة عراويـه= خـدود (أصالـه) بأحمـر اللـون تطلاه
وكنّه (كلوديا شيفرٍ) في تمْدريه= تعـرض لنـا آخـر موديـلات الازيـاه
وكن زول بدْيه يوم يغريك صافيـه= (مارليـن منرو) وسـط فلـمٍ لفتنـاه
وكن الكفر لا جيت بالوصف ابدّيه= حبْ خـالٍ ب (سنـدي كروفـرد) شفنـاه
ولا له شبيهٍ في نعومة تمثنية= الا (نعومي كامبل) لْمن تمثناه
وكن نقشة جنوط الكفر فـي محانيـه= سجّـاد شيرازيـّةٍ فـي مصـلاّه
وصقلة قزازه يوم أردّ النظر فيـه= مـن وجنـة (كلـودا الشمالـي) حلايـاه
ولون المرايه من يراعيه يلهيه = مـن خلقتـه كـن أطـرق العـود يجـلاه
ولو هي بها للعين فتنه وتمويه= بها تشوف اخريـم الابـره ومنشـاه
أصفى من اللولو بمحّار شاطيه= مـعْ واحـدٍ فـي مبـرم السلـك دلاّه
وبغمزة (سميره بنت توفيـق) أحلّيـه = لا أعطـى الاشـاره والمواتـر تقفّـاه
كنْ مقدم الصدّام لا قمت اراعيه = صدرٍ على (نجوى كرم) يوم تنخاه
وصدّام خلفي ماش شيٍّ يحاكيه= يمكن خذا من جسم (ليلى) مقفّاه
مطربلٍ مثل الصوامـع عواليـه= والا غبيـطٍ قـرّح الخيـل تتـلاه
والا وليفي واشقر القرن كاسيـه = مـن فـوق كـرسيٍّ تربّـع وواسـاه
والله فـلا يلحـق موديلـه سفافيـه = البهبهانـي مـن حفـيـزه خطفـنـاه
مفضّله عن نوع لكزس وكوبيه = وحاشمْه عـن مـن فـي حفيـزه وجدنـاه
وله تندةٍ بيضا تعلّت متاكيه= كنْها كنيسة راهبٍ يطلب الله
وكن الجميحيّات من فوق أعاليه= شمعٍ ببيت القـدس ولّـع مـن أعـلاه
والا كما رجمٍ زمى في صحاريه= علـى تليعـة مرقبـه شبـّوا ارطـاه
كن أيمن اصطبّه والايسـر موازيـه= عساكـرٍ كـلٍّ بيمنـاه مشكـاه
وعيون من قدّام توْضي مساريه = كواكـبٍ يشبـح لهـا واحـدٍ تـاه
لا شعشعن والليـل مِـرخٍ علابيـه =مثـل الزمـرّد شرّعنّـه صبايـاه
والا مرايـة حاكـمٍ عنـد عذْريـه=قدّامهـا مصبـاح تعكـس شظايـاه
جمسٍ شهر بين الامم اسم راعيه = تباشروا في البيـت الابيـض خُبَـاراه
يـوم اكتمـل نموذجـه عنـد واليـه= وتكامـل الهيكـل بكامـل مـزايـاه
وكـلٍّ هتـف للثانـي اوكيه اوكيه= ثـم صمّمـوا سبعيـن مليـون شـرواه
صنعة خباث الروس (جورج ,وخوزيه)= وازرت عقول الشرق الاقصى تحدّاه
وان قال احد هو ليه شرقك منحّيه= الشرق الاوسط كيف حقّه تناساه
بأقول ذولا ما عليهم مشاريه = مثل البهم مكفول رزقه ومرعاه
هذا خلاصة علم من فكّروا فيـه = وتسعيـن عـامٍ ليـن زجّـوا مطايـاه

صنعة مريكاني مهو (ناه ناهيه) = بيموت أبـو فلفل مـا سّـوى سوايـاه
ولو فيه احدْ يقدر بصنعه يجاريه = إن كان (كنق , وهنق) جابوا له اشباه
من عذره الامريكي اللي مسوّيه = متحكمٍ في العالم اقصاه وادناه
جمسٍ يقرّب مبعـدات المناويـه =دام الفتـى مـا حضّبوا سـرّ دنيـاه
سحبة غريقٍ مدّ للقـارب ايديـه = سحبـة سويّتشـه راس مفتـاح أذّاه
واليا أشتغل كنّه يذكّـرك يـا هيـه = مسحـوب مشعـان الهتيمـي ومَغْنـاه
وكنْ ريحته لا دسْت بنصه تحمْيه= عطرٍ فرنسي مـن برافـان مجنـاه
وكنْ حسّ ماطـوره ورنّـة بواجيـه = يِسْمِعْـك دلعونـه ولالا مـلالاه
وصوته إلى منّه مشـى يـا ممشّيـه = عـزفٍ كلاسيكـي بكـازا سمعنـاه
ونغمة صلنصيره ليا قمـت توحيـه = تقسيـم عـودٍ والمـروّس تقفّـاه
وكنّه لمنّه قحّص أجراس تنبيه= عن قصـف جّـوي سـور بغـداد مرمـاه
واليا احترك وانته على القار مْوطيه = يدْخلك في الجو الرومانسـي بممشـاه
لا كنْ صياحه يوم بثنين تعطيه = عذراً حشرها واحدٍ شين علباه
وان طبّ صبخا وانت عنها تِهَاديْه = مـوال سعـدون ابـن جابـر أويـلاه
وان كان تعتع ألعن آبو مجانيه = تقل يحكـي عـن شعـر قيـسٍ بليـلاه
واليا دعس صاروخ وان خفّ يشديه= شيٍّ على الميراج هفّت زواياه
يظهر غميق الزيت من جوف واديه = اليا نتلته والتوانك معبّاه
وكنّ الحصا تحته ليا صاح جنّيْه = صغار البرد لا شلّعت من رفاياه
والا هشيمٍ دقل سيله يدربيه= مع فرعة الوادي لفى به ودرباه
جمسٍ مشى مـن كـان قافيـه يعميـه = غبـاره يضيّـع دليلـك ويبـلاه
ولولا البريك وفرمله ما يخلّيـه = مـع مسترقّـين السمـع جـاه مـا جـاه
لا علّق البوري وصاحه يهدّيـه = مـا فيـه موتـر مـا سجـد لـه ولبّـاه
يهجل هجيل اللي عراض مقاريه = ساقه شجيعٍ في النحر دزّ شلفاه

واليا مشى مع راس طعسٍ يباريه = مشية (ضحوكٍ) طبّت السوق تبغاه
والا كما رقّاصةٍ في كباريه = طبّل لها الطبّال عشرٍ مجزّاه
وفتـح لهـا مليارديـرٍ مخابيه = وقامـت تخشّـع عـن يمينـه ويسـراه
وان مال مع دربٍ طعوسٍ فيافيه= تقل امبراطورٍ على جال مركاه
ومن سرعه الرادار ما عـاد يمديـه= يشوفـه ولا جنّـي سليمـان امداه
وان كان مرْ جاء في الردارات تشويه = وهم لله ما شافوه لله لله
هم ما دروا ان الجمس صعبه مراميه= ويصعب على الرادار كشفة خفايـاه
صحيح من لا يعْرف الصقر يشويـه= والجمـس صقـر وكـرّم الله ملحّـاه
أرقام طبلونه خديعه وتمويـه= مـن شـآن مـا يِمنَـع ويخسـر وكالاه
والا تـرى العـدّاد يـا جاهـلٍ فيـه = ألفيـن كيلـو بالدقيقـه حسبنـاه
يـا لعنبـوا جـدّه وجَـدٍّ مثنّيـه= اليـا ركبـتـه والتـوانـك معـبّـاه
متوجّهٍ ماهـوب يحتـاج توجيـه= بينـي وبينـه كلمـة السّـر ويـلاه
ويسوق عني ويوصل القلب أمانيه= وكفّي ترى لَـيْ الدركسـون مـا جـاه
وكل المواتر له عبيدٍ وهو بيه= هـذا ولـد عنـزٍ وهـذا ولـد شـاه
مصنوع لاولاد البشوات ترفيه= وكـم واحـدٍ شـاف الملامـه تنصّـاه
جمس آتغزّل به ولا من مشاريـه= كـلٍّ علـى ماحـب قلب وهاواه
ومن ذي وصوفه لو أقوصد وأغنّيه= والله فلا ألحـق لـه نصيفـة مجـازاه
واعداد ما يذري من الشرق ذاريه= صلوا على من زعزع الشـرك وانهـاه

الصور المرفقة

 

القصيدة الثالثه

بسم من أظهر أسامة على جيش السُفيت 00000 سامع صوت بن متّى وهو في بطن حوت
أخرج من الميْت حيّ أخرج مْن الحيّ ميْت 00000 من جعل أرضاً ذلول وجعل أرضاً سبوت
بسمه المحيي المميت ابتديت ايه ابتديت 00000 ابتديت اللي بديت وعطيت الصوت صوت
شيب عيني شيب عيني اجرحوني ما دريت 000000 اقعديني اقعديني اقعدي راسي يانوت

عن نبيّ الله بأدافع دفاع المستميت 000000 لين احقّق غاية القصد والاّ ارحب ياموت
لبن يعقوبٍ بروح بن حربانٍ فديت 000000 ويا عسى جلدي لطاهر قدم رجليه بوت
مثّلت (يسرا) زليخا بمسرح أوبريت 000000 وهيّ كان اولى بها أن تمثّل دختنوت
مثّلوها هي ويوسف مثل رميو وجُليت 00000000 وبجلابيب الزناااا لبّسوه جْبه وكوت
ونوت تسألني عقب كل هذا وش لقيت! 000000 وابتسمت شويْ وقلت اثر ما في الوقت قوت!

يا فؤاد المستميت ان بكيت او ما بكيت 00000 العن آبو من على الضيم يرضيه السكوت
من لهب نار الرفيق انكويت ألا استويت 00000000 طاح كرتي ويا كثر من لهم طاحت كروت
من وانا ورع ابو عشر وهمي كُمبليت 0000000 امتطي ساقي مطيّة واهيم مع الخبوت
ما لعبت (عظيم ساري) ولا (بنت السبيت)000000000همّي اكبر من دْوِرْتي على شلّة بلوت
عايش عيشة شقا لا فنيت ولا بقيت00000000 آتوسّد بطن كفّي واشوم من التخوت
بدويًّ قحّ من وين اعرف الإيْتِكيت0000000000 حطّني الله عظم بحلوق أهل الجَبروت
طار نومي طار يا ضارب الطار وصحيت0000000 قم قبل يِرفع علينا شراع الجيْلبوت
ايه انا( ناصر) ولي في الملا صوت وصيت 0000000 جت بي امّي في رمادة غضا في (حضرموت)
وحْلِمت بي حلمٍ افزع (تهامة) بيت بيت0000000 وافرح مْن سبيع (علوى) مروبعْة البيوت
وجت سوابق قصّتي في كتاب (بْن السُكيت)000000 واعقدوا لي سحرهم في خليّة عنكبوت
بقْدمي سبعة ملوك من الجنّ لو بغيت000000 في مثل لمح البصر فُتّهم يا نوت فوت
أذّنوا لي في المساجد : وفيت ولا هفيت 000000 دون حقّك (ياليتيمة) بغى ناصر يموت
فترةٍ فيها احتويت (اليتيمة ) واحتميت00000 لين حطّوا لي بلاهم عبيد الكَهَنوت
طوّعوا غيري وانا اللي لحالي بس عصيت000000 لين ضيّع راعي (البوش) في قلبي خفوت
لين بعيوني سقوني من الخمرة (كميت)000000000 قد بغيت آموت لولا صلاتي والقنوت
حرّةٍ يجلب لحمها على سوق الكويت 00000000دونها الموت الحمر شاتني للناس شوت
واعتزيت بسبعة من جدودي وانتخيت 000000000 قالوا:اثبت.قلت: افا,ما عقب هذي ثبوت
والله اني من رجال بعاليها عليت000000000000 الكبيرين البخوت الوسيعين البشوت
قالو:اثبت ,حكم ربك كذا.وش بك غديت؟000000 والدهر مرّ وحلو كالزهر علقم وتوت

الصور المرفقة