الزوار
وانـا على مدح ( زايد ) داعـيٍ جاني وانـا على مدح ( زايد ) داعـيٍ جاني === اسمـه المـوده وحـبُّ فـي شراييني و(زايد) وداده بنى فـي القلـب بنيـان=== و(زايد) قصيـدي وأبيـاتي وتلحينـي و(زايد) أبوي الذي ما ارضى معه ثاني=== و(زايد) عيوني وشـوفي لي يدلينـي و(زايد) أخـوي وصديقي و كل خلاني=== و(زايد) عضيدي وعزمي ومن يجديني و(زايد) هـو الناس والدنيا و ما كـان === و(زايد) و(زايد) و(زايد) كـل تكويني أفديـه بالــروح واولادي وأعوانــي=== وافديه بالعمـر لي باقـي مـن سنيني لـو يوزن الخلـق مع (زايد) بميـزان === (زايد) علـى الناس راجح في الموازين ومـن كان عنـده يعيش العمـر فرحان=== ومن كـان ضـده فقولـوا عنه مسكين يتلـون الدّهــر بـاشكـالٍ وألــوان=== وتتبـدل النــاس كجلـود الثعابيـن و(زايد) مثـل ما عرفته شهـم ما لان === معدنه صافـي الذهب مـا فيـه تلوين بالصـدق والخير والمعـروف من كان=== والصدق والخير والمعروف هـ الحين يا سيـرة المجد هل شاهـدت إنسـان=== يزيـد زينـه ومعروفه علـى الزيـن ويا سيـرة المجد مـا تبغيـن عنـوان === يكفيـك (زايد) عـن كبـار العناوين هـو الزعيـم المُفـدّى شيخ الاوطـان === وبلادنا بــه زعيمـه ع البلاديــن وهـو الموحَّـد وهـو الأول البانــي=== شاهر الامارات م (المغرب) إلى (الصين) وتاريـخ ( زايد ) فـلا يحتاج برهاني=== لـه في ذرى المجـد رايات ونياشيـن هــو الذي للعـرب يدعـو فـلا هان === بيلـم شمـل العـرب ضد المعاديـن أغلى مـن النفط عنـده دون خسـران ===دم العـرب كـل قطـره بالـملاييـن و( زايد ) يحـب العدالـه حط ميزان=== للعدل .. والظلم عنـده مالـه معيـن والاعتصام بكتــاب الـرب سبحـان=== ولنـا بقرآننـا قـــوه وتحصيــن ما كـان عـن طاعة الرحمـن متواني === يمضى على الحـق ما يخشى المضلين (زايد ) هديه مـن الله وفضل واحسان === الله حبانا بــ (زايد) منـه تمكيــن كلمات الشيخ / محمد بن راشد آل مكتوم ============== اللهم اغفر للشيخ زايد وارحمه واعف عنه وتجاوز عن سيئاته يا رب العالمين