سمان الهرج أبيات مختاره للشعراء النبطي
احب الخلا الخالي واحب الخوي القرم
واحب الفياض وشبة الضو ،. والدله ..
صباح اجتماع الشمل والخير والأفراح
صباح السحاب اللي سقا دارنا توّه
صباح الخليج المتحد والقلوب صحاح
صباح الأمل في وحدة الصف والقوة
الطلحي
تبون الحساب الجزل يامدورين الجزل
ابعطيكم حسابٍ يسمى سمان الهرج
حسابٍ يديره واحدٍ مايجيب الهزل
ولادرج الضلع ولاهو مدرج عرج
جاد_المرشدي
احب النقا وأهل النقا لي مراد وشف
ورفيق المصالح حالف مايخاويني
ليا لفت حبال الزمن في حياتي لف
عرفت الرفيق اللي مع الوقت شاريني
حمد السحيمي
بسمتك لقلوب خلق الله مفاتيح
اضحك ودمعتك لليل وظلامه
الناس مثلك من الدنيا مجاريح
كلٍ يخبي جروحه بإبتسامه
عبدالله_الطلحي
أنا لاتكدر خاطري قلت ربي فوق
إلى صكت الدنيا عليا مخارجها
عزيز بعفوه تنفرج كربة المخلوق
رجيت الإله اللي همومي يفرجها
ذائقه
والارض خضراء والهواء ريحته شيح
ونفسي على شوف الطبيعه رغوبه
اشوف قطعان الحلال السواريح
وان شفت راعي ذود حولت صوبه
ياوقت مآني طآمع في عطآياك
لآ دامــت الدنيـآ ولآ نيب دايـم
الله يجمّـل سيرتي ..وأتعـداك
للجنه اللـي من كبـآر الغنايم
عيني عن أفعول المطفق كفيفه
وإذني عن علوم المصاخين صقها
نتعب على كسب القلوب النظيفه
شجرة تظلل ما تساقط ورقها
بندر الثبيتي
ياللي تبي تسمع وش آخر علومي
بعلمك بالمختصر من قناعه
والله ماهدى واتهنى بيومي
إلا لصليت الفجر في جماعه
سلطان الرياحي
والله ان العافيه تسوا الدراهم
والكنوز اللي على وجه الطبيعه
لاضرا جسمك على حبوب ومراهم
في عيونك ضاقت الدنيا الوسيعه
أسامه بن عتيق
حاسب ضميرك وانته ادرى بحالك
واستغفر الله من خطايا ذنوبك
لاتنشغل بالناس ويضيق بالك
عن عيب خلق الله تسدّك (عيوبك)
بدر_سبيع
سمان الهرج
آخر تعديل OM_SULTAN يوم 02-27-2016 في 01:40 PM.