أفاق الفكر
مراقب
مأكولات البحرية سلطة الجمبري المقادير خس مدور مقطع لقطع كبيرة زيتون اسود شرايح انناس مقطع شوية بقدونس مفروم للوجه جمبري وسط (( انا قطعته لقطع صغيرة )) يتحمر في مقلاة مع شوية زبدة وملح وفلفل اسود الى ان يستوي وياخذ لون حلو الصوص 3 ملاعق مايونيز ملعقة ماسترد ملعقة صغيرة شطة سومطرة عصير ليمونه ملح سمك فيلية بالوايت صوص الخرافي المقادير كيلو سمك هامور فيليه (( افضل الطازج )) كاسة صغيرة طحين ابيض بصلة بيضا مقطعه مكعبات حبة فلفل اخضر + احمر + اصفر مقطع مكعبات حبتين بطاطس مقطعه مكعبات ومقليه بالزيت كاستين قشطة خفق حبة جبن تشيدر كرافت وسط فلفل اسود ماجي ملح الطريقة يتبل السمك بشوية ملح وفلفل اسود وفابريكا ويغبر بالطحين الابيض ويحمر في الزيت الخفيف من غير مايستوي اهم شي ياخذ لون حلو نحضر الصوص الخورافي في مقلاة كبيرة نحمس شوية زيت مع البصل والفلافل الملونه مع مكعب الماجي والفلفل الاسود ورشة الملح ونضيف البطاطس المقلي واذا ذبل البصل والفلافل نضيف قشطة الخفق ونتركها ثواني الى ان تغلي ونذوق ملحها اذا تحتاج لرشة بسيطة ونرفعه من على النار نصف السمك الفيلية في صينية بايركس ونرش فوقه الجبن التشيدر المبشور وبعدها نحط الخضار مع الصوص ونغلفها بقصدير وندخلها الفرن لمدة ثلث ساعة اهم شي لاتنشف وبالعافية جمبري محشي المقادير : كيلو جمبري جامبو ملعقتين جبن كرافت سايل ملعقة مايونيز شوية كزيرة مفرومة رشة فلفل اسود مكعب ماجي ثلثين اصبع زبدة 4 فصوص ثوم مفرومين فرم نااااعم الطريقة : يغسل الجمبري ويفتح من الظهر من غير مانشيل القشر بعد مانشيل خيط الظهر وينظف بالموية والليمون والملح ونراعي اننا نعمق الفتحه عشان نحشي الجبن في هالمكان نحضر الحشوة (( الجبن والمايو والكزبرة ورشة الفلفل الاسود )) ونحشي الجمبريات ونصفهم بصينية بايركس ونجهز صوص الزبدة (( في مقلاة صغيرة نذوب الزبدة ونحط معها الثوم ومكعب الماجي الى ان يتحمر الثوم)) ونحط صوص الزبدة فوق الجمبريات ونغلف الصينية بقصدير ونحطه بالفرن ثلث ساعة وبالعافية لوبتسر ترميدور المقادير: حبة لوبستر وزنها حوالي كيلو أو أكثر شوي شوية زبدة مقدار صغير من الباشاميل ملعقة جبن سايل 3 ملاعق من مكعبات الفلفل الملون مفرومين فرم ناااعم فص ثوم مفروم >>> اختياري جبنة قشقوان للتغطية الطريقة انا اشتري اللوبستر مفتوح من النص يعني انا بس اغسله اول خطوة اني ادهن قطعة اللحم الي جوا صدفة اللوبستر بزبدة وادخلها تنشوي في الفرن ((هالخطوة ماتاخذ الا دقايق )) ثاني شي احضر مقدار صغير من الباشاميل في قدر احط ملعقة ونص طحين مع فنجال زيت واحرك واحط الحليب الطازج ومكعب الماجي والفلفل الاسود واخر شي احط معه ملعقة جبن سايل في مقلاة كبيرة احط شوية زبدة واكشن الثوم مع مكعبات الفلفل الملون واحط اللوبستر بعد ما انشوى في الفرن وقطعته بالشوكة والسكين لقطع متوسطه واقلبه ثواني واحط معه الباشاميل واحرك واراعي انه مايصير كثير يعني يادوب صوص ثقيل ارفعه من على النار واعبي اللحمه مع الصوص في جوا الاصداف الي سبق وانشوت في الفرن وتغير لونها وصار برتقالي اخر خطوة اغطي اللوبستر بجبنة قشقوان وادخلها الفرن ثواني تتحمر من فوق واقدمها مع خضار سوتيه Cant See Images