طريقة عمل كبسة سمك الهامور
المكـــــــــــــــــــونات ...
- سمك هامور متنظف ومقطع
- ارز حسب العدد
- بصل مقطع صغار - 3 فلفل حار - لومي يابس - 3 فصوص ثوم مدقوق مع كزبرة ناشفه - ملح
- كمون حبة هال البهارات المعتاده " بزار وفلفل احمر كركم وفلفل اسود حب وجرفه "
يعني بهارات حب وبزار ولومي يابس ممروس
الخطـــــــــــوات ..
- نقلي السمك ومن يحمر لونه مع التقليب على الجنبين
في الطنجرة نقلي البصل مع الفلفل الحار والثوم المدقوق مع الكزبره الناشفه
- انظيف الهال واللومي اليابس والفلفل الاسود "حب " والجــــــــــرفه
- الحين بقولكم سر النكهــــــــــــــــه ...
خضره ناشفه كزبره وشبت ووبقدونس وسبانخ ... بتحصلونه عند اى عطار وخصوصا الايرانيه
نضيف الخضره الناشفه مع البهارات
بعدها نضيف ماء حار و انحط السمك بالطنجرة .
وعلشان ما يتفتفت السمك ... من تغلي الماء طلعوا السمك ...
بس عشان الماء ياخذ نكهه السمك ... وبعدها حطوا الرز .
- انخلي الرز ع نار هاديه عشان ما يحترق ولا يلزق بالطنجرة ...
ومن ينضج الرز انحط السمك وننثر عليه الكزبره .. وانغطي الطنجرة بقصدير
واندخله الفرن مال نص ساعه ..
ونشوف صورة الصحن بالتقديم مع السلطة
وألف هنأ وصحة وبالعافية
مجبوس هامور- شيف أمينة
آخر تعديل OM_SULTAN يوم 11-12-2017 في 08:02 AM.