الجشيد الاماراتي
السمك اسمه ( ولد الولد ) اللي هوه سمك القرش ( او العوال ) اختارو الحجم الصغير
المقادير :
1_ سمك ولد الولد كيلو ( او على حسب الكميه اللي تبينها ) بزيادة السمك تزيدين من باقي المقادير
2_ بصلتين كبار مقطعات صغار
3_ دهنه عربيه اذا تبينها على اصولها اذا ما عندج استعملي الزيت العادي
4_طماط حبه وحده ومفرومه
5_ م ك بزار عربي + ملعقة ملح +نص ملعقه كركم + ملعقه هيل مطحون مع زعفران
6_ ورق هندي اسمه كاريباتا هذا فنان طعمه فيها وريحته بس عادي تقدرين تستغنين عنه مب ظروري
7_لومي يابس ( بس اللب اللي داخل ولازم تشلين البذر اللي داخله يعني بدون قشره بس اللب ) عدد 2 اذا كبار اذا صغار 3
8_شوي ماي ورد
9_ فليفله صغيره وتقطعينها صغار صغار
طريقة عمل الجشيد :
1_ نسلق السمج ( ولد الولد ) لين يستوي يكون سهل التفتيت
2_ نفتته صغار ونشل العظم عنه لازم ونخليه على طرف
3_ نحط في الجدر او التاوه بس تكون غزيره شوي زيت ونحط فوقه البصل المفروم واللومي اليابس ونقلاه لين يستوي قريب من اللون الذهبي
4_وبعدين نظيف الفليفله والورق الهندي اذا حبيتي ونقلاه شوي بعد وبعدين نظيف العوال اللي هوه ( ولد الولد المفتت)
5_ونحمسه مع البصل لين تفوح شوي ريحته وبعدين نحط البزار + الملح +الكركم _الهال المطحون مع الزعفران شوي )ونحمسه شوي ونخلطه عدل عشان تتوزع البهارات عدل فيه وتسكرينه لمدة خمس دقايق وبعدين تحطين نص فنجال قهوه ماي ورد وشوي تعصرين عليه لومي حامض وتحركينه شوي ...ومع التحميس شوفي قياس الملح اذا يبا زياده ولا لا ....وخلصت الطريقه وبالهني والعافيه عليكم
الجشيد2
تعتبر من الوصفات الشهيرة في الامارات وكذلك الخليج ولكن تختلف
المسميات فمثلا يسمى الطبق( ميدم ) بالكوبت
المكونات
سلق السمك
2/1 + 2 كيلو من سمك القرش الصغير (اليريور)
قشر حبة ليمون
1ملعقة صغيرة زنجبيل مهروس
1 ملعقة صغيرة ثوم مهروس
ماء مغلي
البهارات
1 بصلة كبيرة مقطعة مكعبات صغيرة جدا
5 فصوص ثوم مهروس
1 ملعقة صغيرة كركم مطحون
2 ملعقة صغيرة كزبرة مطحونة
1 ملعقة صغيرة كمون مطحون
1 ملعقة صغيرة بهار مشكل مطحون
1 ملعقة صغيرة ليمون أسود مطحون
2/1 ملعقة صغيرة قرفة مطحونة
1 ملعقة صغيرة هيل مطحون
حزمة كزبرة خضراء مفرومة
2 قرن فلفل أخضر حار مفروم
رشة فلفل أسود
ملح حسب الرغبة
برش ليمونة واحدة
للتزيين أوراق من الكزبرة وشرائح ليمون
التقديم:
مع الرز الابيض المشخول والسمن وانواع السلطه من الجرجير بالطماطم وانواع السلطه الخضراء
آخر تعديل OM_SULTAN يوم 01-10-2016 في 05:11 PM.