OM_SULTAN
المشرف العام
قرص العقيلي نوع من انواع الكيك التراثي المطهي على البخار في وعاء نسميه الطبقه وهي اناء محكم الاغلاق حيث توضع في حمام مائي حتى الاستواء وقرص العقيلي هو عباره عن كيك بالزعفران و الهيل وماء الورد و السمسم يتميز بنكهة الزعفران والهيل وماء الورد حاليا يخبزونه في الفرن مثل الكيك بنكهة الاصاله Cant See Images المقادير: 6 بيضات كوب سكر كوب وربع طحين ربع كوب زيت اربع ملاعق حليب بودره او كوب حليب ظازج ربع كوب ماي ... مخلوط مع ماء ورد هيل.. زعفران ... واذا احتاج ممكن تحطين بدل الربع كوب ماي نصف كوب ماي .. انا حطيت ربع كوب ماي ملعقتين .. بيكنغ بودر ملعقه ص فانيليا الطريقه : اول شي نخفق البيض ونضربه جيدا لما ييصير لونه ابيض وشوي شوي نضع فوقه السكر ونضرب وبعدين نخلط باقي المقادير ونخلط وبعدين الطحين ونحطهم شوي شوي مع الخلط رشي السمسم المحمص في الصينيه المدهونه صبي الخليط في الصينيه شوي شوي بالملعقه علشان الهواء الي بداخل الكيك مايطلع من الصينيه ضعي بالفرن الكيكه حطيتها بالفرن وجيت بعد ربع ساعه لغيت الفرن طافي خلص الغاز قبل مايستوي الكيك بس الحمدالله غيرت الغاز و شغلت الفرن مشاء الله رغم هذا ماهبطت الكيكه .. ولا اختربت .. اتوقع السبب وجود الهواء داخل الكيكه واحاول دائم ماافتح الفرن بالقوه اول مايستوي .. طفي الفرن ..واتركيه يبرد القرص العقيلي... Cant See Images كب كيك قرص عقيلي يمكن شكلها ما يشوق بس صدقوني هالوصفه لذيييييييييذه حيل ومن جربتها قبل جم سنه ما فكر اغيرها… كل مكونات قرص العقيلي اللي فيها موجوده اهمها انها لذيذه وحلاتها مو زايده و هشه ومتفوخه وريحتها هيل وزعفران ومع الشاي او الحليب الحار يم الدوة تصير مو صج عاده اسويها بقالب واحد بس حبيت كتغيير احطها بقوالب صغار بس للاسف لزقت بالنص واذتني على ما طلعتها عشان جذي تشوفون شكلها بهالطريقه انا سويتها هالمره بسكر تروبيكانا زيرو كالوري وقللت كميه الزيت عن المقدار المذكورو قدمتها ساده بس تقدرون حزه التقديم ترشونها بشكر بودره او تخلطون معاها الرهش الشبه سائل ( ينباع بالجمعيات بعلبه مثل الهرده ) او تغمسونها بككاو او تصبون عليها توفي او صلصه زعفران ( شكر وزعفران وماي ورد ) او حلوى حاره مذوبه او جبن كيري مخلوط مع توفي .. يعني اي شي تحبونه معاه ونفس الشي يمشي مع المقادير تقدرون تضيفون فستق ناعم وتقدرون تضيفون رهش مفتفت او حلوى او تزيدون الهيل والزعفران او الشكر وتلغون الدارسين الوصفه مو لي اخذتها من منتدى حوا من العضوه غرومه … قللت كميه الشكر بالوصفه الاصليه لاني ماحب الحلو حالي وايد … جربوها الحين وقتها وصدقوني بتعجبكم ان شاء الله لانها لذيذه وسريعه بسم الله نبتدي … المقادير تكفي قالب واحد او 6 قوالب صغار نفس الصوره … الوصفه الثانيه بالرابط المقادير: 4 بيضات قفشتين كبار بيكنغ بودر واذا كانت المكونات بحراره الغرفه قفشه كبيره كافي ثلاث ارباع كوب زيت نباتي ( استخدمت زيت ذره ) نص كوب سكر او ثلات ارباع اذا تحبونه حالي كوب روب كامل الدسم كوبين طحين فاخر قفشه كبيره فانيلا قفشه كبيره متروسه هيل ناعم ( الافضل اذا مطحون فرش ) قفشه صغيره زعفران ناعم ( طحنوه اول وبعدين اخذو بمقدار قفشه صغيره ) قفشه صغيره دارسين ناعم ( اختياري ) رشه ملح وسمسم وزيت لدهن القوالب او سبراي نن ستك الطريقه: نشب الفرن على درجه حراره 150-160 ندهن قوالب الكيك ونرش عليها السمسم نخلط الطحين مع البيكنغ بودر والملح وننخله وبعدين نخلطه مع الهيل والدارسين والزعفران نخلط البيض والشكر والفانيلا لين يتمازجون عدل وبعدين نضيف الزيت والروب وخليط الطحين واول ما يختلطون عدل نوقف المكينه نصبهم بالقوالب ونواسيهم ونرش شويه سمسم على الويه وندخلهم الفرن تقريبا نص ساعه لين يستوون ونطروه لين يبرد واكلوه بالف عافيه Cant See Images كيكة قرص العقيلي...هذي طريقتي ناجحه وهشه لذيذه جدا المقادير: كوبين دقيق كزب ونص روب 6بيضات كوب الا ربع زيت نباتي كوب سكر ملعقةهال ملعقة زعفران فنجان ماء ورد ملون طعام اصفر السمسم قبضه في العجين وقبضه للزينه ملعقة بكنج بودر ذرة ملح الطريقة: في اناء خلط الكيك نضع الروب والبيض والسكر والزيت ونخفق جيدا ثم نصع الدقيق والبكن بودر وذرة الملح وماء الورد والهال والزعفران وقبضة من السمسم نضعها داخل العجين وملون الطعام الاصفر ونخفق جيدا باليد او بالعجانه نجهز صبنيه مناسبه لخبز الكيك ندهنها بالزيت جيدا وننثر على الزيت الدقيق وننثر كمية من السمسم في قاع الصينيه نسكب خليط الكيك في الصينيه وندخلها الفرن نص ساعه لا نفتح الفرن وبعد ذلك نبدا نراقبها بطرف السكين اذا غرزنا السكين وخرجت نضيفه يعني استوت الكيكه اخرجيها من الفرن اتركيها قليلا ثم اقلبيها على الورق في طبق التقديم وانثري عليها حبات السمسم هنيئا اختكم OM_SULTAN