OM_SULTAN
المشرف العام
"صفايح باللحمة" طريقة العجينه: 2كوب دقيق عليهم معلقه صغيره خميره ومعلقة سكر ومعلقه زيت واعجنها بالمايه لماتتكون عجينه طريه. حشو اللحمه: نصف كيلو لحم مفروم عليه نصف كيلو بصل وطمطمايه مقشره ومعلقة صلصه وفلفل احمر وبابريكا وملح وفلفل وقرفه ودبس رمان وبقدونس وفلفل اخضر حامي ومعلقتين زيت واضربهم مع بعض في الكبه. ولما العجينه تخمر بفردها في صنيه الخبز واوزع عليها اللحمه.. وتتخبز في فرن سخن على اعلى درجة حراره لحد ماتستوي" معجنات لحمة مفرومة +ملح+فلفل+بهارات+بصل مهرى+معلقة زبادى و نتبلها تتبيلة حلوة زيكو و كدة و نقطع العجينة دواير و نحط اللحمة اللى تبلناها فى النص و نقفل العجينة من الاطراف و احنا بنقفلها بنلفها على جنب تقريبا الصورة موضحه الشكل بتاعها بيكون عامل ازاى معلش بقى المره اللى جايه اجيبلكو التفاصيل بتاعة الشغل ده و ندخلها الفرن و ده شكلها بردو لما استوت كرواسون محشى بالفراخ تقطعى الفراخ البانيه و ساعات باستخدم اى بواقى فراخ متجمعه عندى و تحطيها على النار مع حبه ميه صغننين و تحطى عليها جزرايه مبشورة و ملح و فلفل و الذى منه و اول ما الجزر يدبل نقفل النار و نسيبها تهدى شوية و بعدين نحطلها معلقه مايونيز و نحشى العجينة بيها و نلفها على هيئه كرواسون البيتزا بصلاية ضغنونة و متقطعة نشوحها على النار فى حبه زين صغننين و نضيف عليها طماطم متقطعه + فلفل روحى مفطع + سوسيس او لحمه مفرومه متعصجة حسب الرغبه يعنى و احنا هنا حطينا مشروم و ذرة معلبهو شوية ملح و معلقه كاتشب و قلبى كله لحد ما الخضار كله يدبل و بعد متقفلى النار تحطى الزيتون و تتحط على العجينه بعد مندهن العجينة بالصلصة او الكاتشب و يا سلام على رشه زعتر كمان بتديها طعم روعه و قبل مندخلها الفرن نحط عليها الجبنة الموزاريلا نقطع حتة عجينة و نشكلها بايدينا بطريقه طولية و نقطع السوسيساية بالطول لاربع اقسام و نحط كل واحد فى حته عجينة من اللى شكلناها بالطول و نقفل عليها و بسن السكينة نشرح وشها بالراحه بس من غير منعورها احنا مش ناقصييييين اقسام و قضايا و فى صنيه و على الفرن جرى قبل مترجع فى كلامها و ده لما طلعت من الفرن لحم و عجين او صفيحة لحمة مفرومة +ملح+فلفل+بهارات+بصل مهرى+معلقة زبادى و نتبلها تتبيلة حلوة زيكو و كدة و نقطع العجينة دواير و نحط اللحمة اللى تبلناها فى النص و نقفل العجينة من الاطراف و احنا بنقفلها بنلفها على جنب تقريبا الصورة موضحه الشكل بتاعها بيكون عامل ازاى معلش بقى المره اللى جايه اجيبلكو التفاصيل بتاعة الشغل ده و ندخلها الفرن و ده شكلها بردو لما استوت الجبن كرات اى نوع جبنة عندك رومى فلامنك مطبوخه او حتى لو جبنة بيضة نحطها فى طبق و نحط عليها فلفل احمر مطحون او شطه حسب اللى موجود عندك و حبه نعناع ناشف صغننين و شوية جبنة موزاريلا و نقطتين زين و نعجنهم مع بعضهم كلهم نقطع حته عجينة و نشكلها بايدينا على هيئة كورة و نفتحها من النص و نحط فيها الخلطة السرية بتاعتنا و نقفل عليها و كدة تبقى كورة و محشيه بخلطة الجبنة و ندهن وشها ببيض مضروب و رشه سمسم