الجباتي خطوة بخطوة بالصور
عجينة الجباتي
المقادير
3 كوب طحين اذا بتحطين معاه كوب طحين اسمر زين على زين
ربع كوب زيت عافية
شوية ملح
ماي للعجن
الطريقة
بالخلاط تنخلين الطحين وتصبين عليه الزيت وشغلي الخلاط
ومن فوق صبي عليه ماي دافي شوي شوي لي تشوفين العجينة تكورت بصوب واحد
وخليه يفتر شوي لما تصير ماتلزق
نشيل العجينة من الخلاط ونعجها بايدنا شوي بس وندهن صحن مقور او طاسة نايلون لها غطا
ونتركها ربع ساعة ترتاح
نجي للصور :
اول خطوة :
ناخذ قطعة من العجينة بكبر كف اليد ونكورها ونصفها بصينية مدهونه بزيت
Cant See Images
ونغطيها عشر دقايق ترتاح
عقب ناخذ كورة من العجينة ونفردها على طاولة بالنشابة
وهذي الصورة :
Cant See Images
وبعدين نقعد نفرد فيها لما تصير رقيقة وندهنا بزيت بالفرشاة :
مثل الصورة :
Cant See Images
وهني الخطوة المهمة اللي تخلي الجباتي مثل الخيوط مشربكة مع بعض نفس جباتي مطعم الهندي
تلفين العجينة مثل الاسطوانة او السويس رول اكيد عرفتوه
مثل الصورة :
Cant See Images
تصير عندج مثل الحبل طويل قعدي برمي فيه بايدينج الثنتين شوي
وتلفين بداية الحبل مثل الحلزون متداخل مع بعض مثل الصورة :
Cant See Images
وتصفينهم بصحن مدهون وتركيهم خمس دقايق
اخذي وحدة من العجين وفرديها بايدج مو بالنشابة لا لا ماتضبط بايدج احسن وحاولي تكبرينها وتضغطين عليها
مثل الصورة :
Cant See Images
وبمقلاااااة تيفال اهم شي تيفال تكونين مسخنة قبل عشر دقايق
تحطين الخبزة عليه وخليه لما تشوفين فقاقيع تنتفخ مثل الصورة
Cant See Images
تقلبينها على الوجه الثاني مثل الصورة :
Cant See Images
وبعدين تصفينها بطاسة كبيرة اوصحن له غطا عشان ماتيبس
وهذي الصور :
Cant See Images
وهذي بعد صورة عند التقديم :
Cant See Images
وهذي الصورة مجانية عشان الحبايب خخخخ:
Cant See Images
وعليكم بالف صحة وعافية
منقول