|
مرقة اللحم البدويه الاماراتيه
مرقة اللحم البدويه الاماراتيه  للعزايم ذبيحه اما للغدا اليومي لحم مقطع مع العظم تقدم المرقة مع الرز المشخول او فريد مع خبز الرقاق (الثريد) طبعا في البدايه لازم تعرفون ان اهم شي في المرقه البدويه تكون الذبيحه طازجه و نوع الذبيحه ونحن دوم نختار العربيه ومن مواصفات الذبيحه ان تكون اعمارهم من خمس لست شهور تيوس صغار وطبعا الفرق بين الذبيحه الصغيره و الكبيره .. ان الكبيره يكون لحمها يابس اما الصغيره يكون لحمها طري للمقادير: 6بصل مقطع جوانح طماط مقطع كبار فلفل بارد مقطع كبار بطاط مقشر بدون تقطيع او مقطع كبار قرع مقظع كبار راس ثووم فنجان زنجبيل مبشور اربع ليمون اسود مخليه من البذور ورق غار فلفل اسود مسمار\جرفه\هيل كلها بهارات صحيحه 3 ملاعق بزار (بهارات مشكله مطحونه) ملعقة كبيره كركم مطحون ملح مقدار كبير(ملعقتين ونص باليد) الطريقه: نبدا اولا بتنظيف اللحم من الشحم ومن الحيفه وتتواجد في الظهر والرقبه وفي الكتف ونادرا ماتكون في الضلوع اذا كانت سمينه.. وطبعا مب تشلون كل الشحم عشان تطلع نكه وريحه حلوه.. نحط الجدر على نار متوسطه وفيه ماي ونخليه لييين يغلي ولما يغلي نضيف اللحم ماعدا الرأس نفوره في جدر ثاني لانه فيه ازفره اكثر وطبعا لا ننسى الجبد نخليها على جنب عقب بنضيفها في الاخر لانها تستوي بسرعه ونبدا نشيل الرغوه الي بتطلع,, ليييييييين مانحس انها خفت عقب نضيف البهارات الصحيحه ونتركها لفتره وبعدها نضيف البصل والطماط + البزار+الكركم ونتركه لمدة نصف ساعه ثم نضيف البطاط والجرع + الليمون اليابس + الجبد+الملح ونخلي المرقه تغلي لمدة ساعه الا ربع ونطل عليييها عشان مايتفتت اللحم (يعني من تلاحظون ان اللحم تفجج يعني استوا والافضل تذوقونه).    منقول ومضاف اليه |
| الساعة الآن 11:28 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir