منتديات أفـــاق دبـــي الثقافيـــة - كبده الدجاج مع دبس الرمان

كبده الدجاج مع دبس الرمان

المقادير:

كبدة دجاج فرش

عصير ليمونه كامله
كركم ملعقه صغيره
فلفل أسود ملعقتين صغار
ملح حسب الرغبه
ثوم كثر ما تحبين .. بس مو أقل من 4 فصوص..
زيت نباتي
دبس الرمان ماركة اليمامه .. ( لازم ما يكون جامد سائل يعني لمن تحركين الغرشه و تقلبينها يسيح بسهوله )

تاخذين الكبده .. تغسلينها عدل عدل ... عدل .. تقصصينها بالطريقه اللي تبين ... كبارأو صغار المهم تشيلين الجزء الأبيض ... و ترجعين تغسلينها تحطينها ب صحن .. تحطين عليها الليمون و الكركم و الفلفل الأسود و الملح و الثوم .. و تخلينها سااااعه

بعد التتبيل .. تاخذين مقله عميقه أو جدر.. نحطين الزيت .. ما يكون قليل .. و لا تكثرين بزياده ... على حسب كمية الكبده ..

لمن يسخن عدل ...تحطين الكبده مع التتبيله ... و تقلبينها .. لمن تحسين إنها إستويت .. تخلينها بدون تقليب لمن يتحمر جانب من جوانبها ...
آخر شي .. حطي الدبس بالكميه اللي تبين و قصري عالنار .. لازم تخففين من الحراره عشان ما يحترق الدبس و يزفر ..
..و إذا بتحطين زياده ثوم مقطع شرائح .. هم حلو ...
إذا حسيتي إنه ثقل حيل الدبس تقدرين تحطين شوية ماي و في ناس يحطون سويه عصير تفاح كيديدي أو عصير رمان من جمعية الجابريه الإيراني .
الموضوع الأصلى من هنا: منتديات كويتيات النسائية