استفسار بسيط وارجو الافادة

[عائشة العجمي]

السلام عليكم..انا عائشة العجمي من الكويت..انا عضوة جديدة معاكم هني..وانا متأكدة اني راح استفيد واجد انشالله..بصراحة انا عندي استفسار واتمنى انكم تجاوبوني..انا انشالله راح اسافر دبي انشالله نهاية الشهر الجاري وبصراحة زيارتي هالستة راح تطول .. ف بصراحة ابي اسم مكتبات وعناوينها اذا قدرتو مكتبات في دبي..او اذا عندكم شارع كبير يضم مكتبات ممكن اعرف اسمه؟؟؟؟؟؟..انا بصراحة في كتب واجد ابيها وقالولي ما تلاقينها الا بدبي.. ف ارجو المساعدة اخواني واخواتي ...

اختكم من الكويت...
عائشة العجمي

[OM_SULTAN]

السلام عليكم ورحمة الله وبركاته

يامرحبا اختنا الكريمه عائشة العجمي حياج الله في بلدج الثاني الامارات

شونوع الكتب اللي تبينها؟

مكتبة دبي لتوزيع منتشره في كل انحاء دبي وبسهوله توصليلها

ومكتبة المتنبي

ومكتبه ىكبيره في ستي سنتر جنب السينما

وكل المراكز والاسواق تقريبا فيها مكتبات

المهم نوع الكتب اللي تبينها

يامرحبا

[عائشة العجمي]

هلا وغلا اخوي سلطان..شخبارك..عساك بخير..اخوي شكراااااااااا على ردك لاني كل سنة انا اروح دبي بس ما قد مرة احد دلني على مكتبات وجذي..ف انا اشكرك بصراحة والله يعظيك العافية..نوع الكتب اخوي الي ابيها كتب ادبية سير وتراجم ذاتية لكتاب في عالمنا العربي..مقالات ادبية .. دراسات نفسية..لكن غالبا ما احتاج عن الادب بشكل عام..بصراحة في كم كاتب انا احب اقرا لهم..ف تفاجأت ان من العام انسحب كلللللل كتبهم من عندنا لظروف سياسية ..كتاب فلسطينيين ومصريين ف الاسبوع الي طاف كان عندنا معرض الكتاب وقلبت المعرض على مؤلفاتهم قالولي ممنوعة :) لظروف سياسية مثل ما ذكرت ف قالولي تلاقينهم يا اما بالامارات دبي تحديدا او البحرين..و بما اني كل سنة اروح لدبي ومن حسن حظي وسعادتي :) ف قلت اسال عن مكتبات عندكم عشان اقدر اوصل للكتب الي ابيها..ف عموما الكتب الي ابيها اهي كتب ادبية تحكي سير ذاتية وتراجم ذاتية لبعض الكتاب العرب..اخوي الغالي اكرر شكري وامتناني لك ......

اختك...
عائشة العجمي .

[عائشة العجمي]

السلام عليكم اختي ام سلطان..انا اسفة لسوء الفهم بس الاسم عندي ما طلع واضح الا بعد فترة..عرفت تالي انج ام سلطان..يعطيج الصحة والعافية اختي.. وانا اسفة بخصوص اللبس وسوء الفهم الي صار :)

اختج..
عائشة العجمي :)